Hasheena Khan

பெரும்பாலான பெண்கள் முகத்துக்கு கொடுக்கும் முக்கியத்துவத்தை கண்களுக்கு கொடுப்பதில்லை. இதனால் கண்களில் கருவளையம் தோன்றி விடும். ஊட்டச்சத்து குறைபாடு காரணமாக ஏற்படும் கருவளையத்திற்கு நிச்சயம் மருத்துவர் ஆலோசனை பெற வேண்டும். மற்ற காரணங்களால் ஏற்படும் கருவளையத்தை போக்க இதோ சில டிப்ஸ்…

# வெள்ளரி, உருளைக் கிழங்கு இரண்டையும் அரைத்து ஒரு துணியை பன்னீரால் நனைத்து அந்த துணியை கண்ணின் மீது வைத்து அதன் மேல் வெள்ளரி, உருளைக் கிழங்கு விழுதை வைத்து தூங்க கருவளையம் குறையும்.

# எலுமிச்சைச் சாறு, குளிர்ந்த பால் இரண்டையும் கலந்து பஞ்சால் நனைத்து தினமும் கண்ணின் மேல் தடவி 10 நிமிடம் ஊற வைத்து பின் முகம் கழுவினால் கருவளையம் குறையும்.

# பன்னீரை பஞ்சால் நனைத்து கண்ணின் மீது தினமும் வைத்து 10 நிமிடம் கழித்து முகம் கழுவினால் கருவளையம் குறையும்.

# விளக்கெண்ணெயை கண்ணிமையின் மேல் பகுதியிலும் உருளைக் கிழங்குச் சாறை கண்ணின் கீழ் பகுதியிலும் தினமும் தடவி வர கருவளையம் குறையும்.

# சந்தனக் கட்டையில் ஜாதிக்காயை உரசி இரவில் படுக்குமுன் கண்ணைச் சுற்றி தினமும் தடவி வர கருவளையம் குறையும்.

# விளக்கெண்ணெய், மஞ்சள் இரண்டையும் கலந்து தினமும் கண்ணை சுற்றி தடவி வர கருவளையம் குறையும்.

# பேரிச்சை பழத்தை அரைத்து வெண்ணெயுடன் கலந்து தினமும் கண்ணின் மீது தடைவி வர கரு வளையம் குறையும்.

# துளசி சாறு, புதினா சாறு, பன்னீர் மூன்றையும் கலந்து கண்ணில் தடவி வர கருவளையம் குறையும்.

# வெதுவெதுப்பான பாலில் காட்டன் துணியை நனைத்து தினமும் கண்ணில் வைத்து 10 நிமிடம் கழித்து எடுக்க கருவளையம் குறையும்.

# அன்னாசிப் பழச்சாறுடன் முல்தானிமட்டி கலந்து தினமும் முகத்தில் தடவி 15 நிமிடங்கள் ஊற வைத்து பின் முகம் கழுவினால் கண்ணில் கருவளையம் குறையும்.

# கற்றாழையின் சோற்றுப் பகுதியினை பன்னீருடன் கலந்து தினமும் கண்ணுக்கு கீழ் தடவி 10 நிமிடம் கழித்து முகம் கழுவினால் கண்களிலுள்ள கரு வளையம் குறையும்.

# வெள்ளரிக்காய், உருளைக்கிழங்கு இரண்டையும் நன்றாக அரைத்து எடுத்துக் கொள்ளவும். பிறகு துணியை பன்னீரில் நனைத்து கண்களின் மீது வைத்து, அதன் மேல் அரைத்த கலவையை வைத்து படுத்து தூங்க வேண்டும். இவ்வாறு 5 நாட்கள் செய்தாலே போதுமானது. கரு வளையம் இருந்த இடம் தெரியாமல் போய்விடும்.